मरूधर में जोत जगाय गयो, marudhar me jyot jagay gayo lyrics,babo मरूधर में जोत जगाय गयो, baba ramdev ji bhajan, ramdev ji bhajan, marudhar me jyot jagay gayo lyrics,
marudhar me jyot jagay gayo lyrics
।। मरूधर में जोत जगाय गयो ।।
मरूधर में जोत जगाय गयो ,
बाबो धोळी धजा फेहराय गयो ।
म्हारो सांवरियो गिरधारी ,
बण्यो पचरंग पेचाधारी ।
भगतां रे कारण ,
अजमल घर अवतार लियो ।
कसूंबल केसरिया ,
बागा रो सिणगार कियो ।
राजा अजमल पुण्य कमायो ,
थाने पुत्र रूप में पायो ।
मेणा दे लाड लडायो ,
माँयड बण दूध पिलायो ।
भादरवा री बीज ने आय गयो ,
चानणियाँ सू चमकाय गयो।
बाई सुगणा आरती गावे ,
भाटी हरजी चॅवर दुळावे ।
श्री लक्ष्मी रूप नेतलदे ,
संग में ब्यावकियो ।
कसूंबल केसरिया ,
बागा रो सिणगार कियो ।
बाबो हिन्दवा पीर कहायो ,
रूणीचा नगर बसायो ।
कोई ऊँचो नाँहि नीचो ,
सब भेद भाव ने मिटायो ।
थोथी थळियाँ में आय गयो ,
तंदूरा रा तार बजाय गयो ।
बाबो तुर्रा किलंगी धारी ,
लीला घोड़ा री असवारी ।
कलियुग में बाबो ,
पगल्याँ ने पुजवाय गयो ।
कसूंबल केसरिया ,
बागा रो सिणगार कियो ।
बिछड्योड़ा मीत मिळावे ,
बाबो मनरी आस पुरावे ।
भगतां री लाज बचावे ,
जो ध्यावे परचो पावे ।
हरजी भाटी गुण गाय रयो ,
गोपाळो शरणे आय गयो ।
बाबो निकळंक नेजा धारी ,
ज्यांरी कीरत जग में भारी ।
शरणे आयोडाँ ,
भगतां रो उद्धार कियो ।
कसूंबल केसरिया ,
बागारो सिणगार कियो ।
